2020 yil 30 dekabr kuni soat 19.00 da Denov tumanidagi Yangiobod mahallasida qotillik jinoyati sodir etilgan.
Mast holatdagi erkak tanishi bilan janjallashib, mashinasidagi oshxona pichog`i bilan uning chap elkasiga bir marotaba sanchib oladi. Jabrlanuvchidagi ushbu jarohat hayot uchun xavfli bo`lgani sabab, shifoxonaga olib ketilayotgan paytda yo`lda halok bo`ladi.
Ma`lum qilinishicha, ushbu holat bo`yicha tuman prokuraturasi tomonidan O`zbekiston Respublikasi Jinoyat kodeksining 97-moddasi 1-qismi bilan jinoyat ishi qo`zg`atilgan. Hozirda dastlabki tergov harakatlari olib borilgan. Shuningdek, ayblanuvchiga nisbatan qamoqqa olish jazosi qo`llanilgan.
Mahalla oqsoqaliga ko`ra, bu ikki erkakning janjaliga qimor o`yini sabab bo`lgan. U bu haqda Ichki ishlar hamda tegishli idoralar xodimlari ishtirokida ushbu jinoyat ishi muhokamasiga bag`ishlab o`tkazilgan yig`ilishda aytdi.
