Ijtimoiy tarmoqlarda Jizzaxdagi yangi qurilayotgan ko`p qavatli binolardan biri qulab tushgani aks etgan video tarqalgani haqida xabar bergan edik.
Favqulodda vaziyatlar vazirligi taqdim etgan dastlabki voqea tafsilotlariga ko`ra, jabrlanganlar va halok bo`lganlar aniqlanmadi.
Qo`shni bino hududiga o`rnatilgan videokuzatuv kamerasidagi yozuvlarda ham binoning bir qismi qulab tushganda, bino yaqinida yoki ichida hech kim bo`lmaganligi aniqlangan.
Bosh prokuratura bergan ma`lumotga ko`ra, voqea joyiga zudlik bilan viloyat prokurori, Ichki ishlab boshqarmasi boshlig`i, Favqulodda vaziyatlar boshqarmasi va boshqa mutasaddi idoralar rahbarlari hamda tezkor-tergov guruhi a`zolari etib borishgan.
Ayni paytda binoning qulash sabablarini aniqlash borasida Jizzax viloyati prokuraturasi tomonidan tergovga qadar tekshiruv harakatlari o`tkazilmoqda.