Yangiyo`lda 2021 yil 12 yanvar,seshanba kuni shahar hududidan o`tuvchi ichimlik suvi quvurida nosozliklar yuzaga keldi. Bu haqda «Toshkent suv ta`minoti» MChJ axborot xizmati xabar bermoqda.
Ma`lum bo`lishicha, Yangiyo`l shahar hududidan o`tuvchi ichimlik suvi quvurida yuzaga kelgan nosozliklarni bartaraf etish maqsadida 2021-yil 12 yanvar kuni soat 06:00 dan 20:00 ga qadar «Gulbahor» hamda «Niyozbosh» suv inshootlarida nasos agregati to`xtatiladi.
Natijada Yangiyo`l shahar Farovon, Fayzli, Oltinobod, Turkiston, Mustaqillik, Mevazor, Ramadon, Sabo, Navro`z, Ishchilar shaharchasi, Olmos, Mezon, Yangibog`, Baxt MFYlari hududlarida ichimlik suvi bosimi pastligi va uzilishlar, Yangiyo`l tuman Farovon, Guliston, Namuna, Binokor, Gulbog`, Madaniyat, Paxta, Niyozbosh, O`zbekiston, Qirsadoq MFYlari hududlarida ichimlik suvi taminotida uzilishlar yuzaga keladi.
«Ushbu nosozliklar Yangiyo`l shahar bo`limi mas`ul xodimlari tomonidan bartaraf etilganidan so`ng ichimlik suvi ta`minoti bir me`yorda uzatiladi», deyiladi xabarda.
Eslatib o‘tamiz, kuni kecha Andijon va Namanganda suv bilan bog‘liq katta nosozlik yuzaga kelgan edi va shundan so‘ng viloyatlar hokimlari boshchiligida nosozlik bartarf etilgani xabar qilingan.
