Jizzax viloyati Zafarobod tumanida yashovchi, poytaxtdagi oliy o`quv yurtlaridan birida ta`lim olayotgan ayol ichki ishlar organlariga murojaat qilib, Jizzax shaharining Obod mahallasida yashovchi, 1992 yilda tug`ilgan E.A. unga nisbatan tovlamachilik qilayotganligini bildirgan. Bu haqda Jizzax viloyati IIB axborot xizmati ma`lum qildi.
Ma`lum bo`lishicha, yigit ayolning behayo suratlarini ijtimoiy tarmoqda tarqatishini aytib, 8 ming AQSh dollari talab qilgan.
Jabrlanuvchining arizasi asosida viloyat IIB jinoyat qidiruv boshqarmasi tomonidan tezkor tadbir uyushtirildi. Qisqasi, tovlamachi Jizzax shahrining Zargarlik mahallasi hududida 3 ming AQSh dollari olgan paytida ushlandi. Holat yuzasidan tegishli tartibda jinoyat ishi qo`zg`atilgan.