Joriy yilning 9 fevral kuni soat 10:45 larda, Farg`ona viloyati, Oltiariq tumani, “Bo`rvonliq” MFY hududidan o`tgan avtomobil yo`lida, “Farg`ona-Qo`qon” yo`nalishida, yo`l chetida to`xtab turgan, 1967 yilda tug`ilgan A.G`.ga tegishli bo`lgan “Damas” rusumli avtomobilda yong`in yuzaga kelgan. Bu haqda IIV YHXBB Axborot xizmati xabar berdi.
Xabarda aytilishicha, yong`in natijasida tan jarohati olganlar yo`q. Lekin avtomobil yong`indan to`liq zararlangan.
Mazkur hodisa yuzasidan Oltiariq tumani IIB YHXB va FVB tomonidan surishtiruv ishlari olib borilib, yong`in yuzaga kelish sabablariga aniqlik kiritilmoqda.
