Bu haqda AOKAda o`tayotgan matbuot anjumanida Markaziy bank boshqarma boshlig`i Olim Bolgaev ma`lum qildi.
Tadbirkorlarga qo`shimcha imkoniyatlar yaratish maqsadida barcha moliyalashtirish manbalaridan kichik tadbirkorlik sub`ektlariga 103,8 trl. so`m miqdorida kredit ajratilgan.
Pandemiya davri ta`siri sabab, 2019 yilga nisbatan 2020 yilda ajratilgan kreditlar miqdori 7 trln. so`mga kamaydi. 2020 yilda kichik tadbirkorlik sub`ektlariga ajratilgan kredit miqdori 48,4 trln. so`mni tashkil qildi.
2020 yil oilaviy tadbirkorlikni rivojlantirish dasturi doirasida 6,1 trln. so`m miqdorida, 214 mingdan ziyod loyihaga kredit ajratilgan.
Xususan, "Har bir oila tadbirkor" dasturi asosida 408 trln. so`m miqdorida kredit ajratilgan bo`lsa, hunarmandlar, dehqon, fermer xo`jaliklari, tomorqa er egalariga mahalliy hokimliklar huzuridagi bandlikka ko`maklashish jamg`armalari hisobidan 786 milliard so`m miqdorida, Yoshlar kelajagimiz jamg`armasi hisobidan 428 mlrd. so`m kredit ajratilgan. Xotin-qizlar va oilani qo`llab-quvvatlash fondi hisobidan esa qariyb 100 mlrd. so`m miqdorida mablag` ajratilgan.
