Bugun O`zbekiston Respublikasi Vazirlar Mahkamasining tegishli farmoyishiga muvofiq, joylarda “Obod va ko`rkam mahallam” obodonlashtirish va ko`kalamzorlashtirish umumxalq xayriya hashari bo`lib o`tdi.
O`zbekiston Milliy axborot agentligining “Mahalla” fondi matbuot xizmatiga tayanib xabar berishicha, umumxalq hashari davomida 8 yarim millionga yaqin aholi ishtirok etdi. 17 ming gektarga yaqin er-maydonlari obodonlashtirilib, 12 ming kilometrga yaqin ariq va lotoklar tozalandi. 9000 dan ortiq qabriston va 650ga yaqin ziyoratgohlar obodonlashtirildi. Xayriya hashari davomida 8 milliondan ziyod mevali va manzarali daraxt ko`chatlari ekildi.
Bundan tashqari, aholining ijtimoiy himoyaga muhtoj qatlamlariga muruvvat yordamlari ko`rsatiladi. Jumladan, 13 mingga yaqin kam ta`minlangan oilalarga moddiy yordamlar ko`rsatildi. 5 mingdan ziyod ehtiyojmand oilalarning uy-joylari ta`mirlanadi.
