Toshkent shahri Yunusobod tumani 5-dahasida “Spark” va “Lasetti” avtomobillari ishtirokida yirik YTH sodir bo`ldi. Bu haqda Facebook ijtimoiy tarmog`i “Voditeli Tashkenta” guruhi xabar bermoqda.
Guruhga joylangan suratlarda YTHda ishtirok etgan avtomobillarning har ikkalasi ham jiddiy zarar ko`rgani aks etgan. Hatto “Spark” avtomobilining ag`darilib ketganini ham ko`rish mumkin.
Izohlarda ayrimlar yo`l-transport hodisasini haydovchilarning katta tezlikda avtomobil boshqargani sabab bo`lganini ta`kidlasa, boshqalar esa Yunusobod tumanidagi mazkur chorrahada tez-tez yo`l-transport hodisalari yuz berishini aytgan.
YTH oqibatida jabrlanganlar haqida ma`lumot keltirilmagan.
