Тошкент шаҳри Юнусобод тумани 5-даҳасида “Спарк” ва “Ласетти” автомобиллари иштирокида йирик ЙТҲ содир бўлди. Бу ҳақда Facebook ижтимоий тармоғи “Водители Ташкента” гуруҳи хабар бермоқда.
Гуруҳга жойланган суратларда ЙТҲда иштирок этган автомобилларнинг ҳар иккаласи ҳам жиддий зарар кўргани акс этган. Ҳатто “Спарк” автомобилининг ағдарилиб кетганини ҳам кўриш мумкин.
Изоҳларда айримлар йўл-транспорт ҳодисасини ҳайдовчиларнинг катта тезликда автомобиль бошқаргани сабаб бўлганини таъкидласа, бошқалар эса Юнусобод туманидаги мазкур чорраҳада тез-тез йўл-транспорт ҳодисалари юз беришини айтган.
ЙТҲ оқибатида жабрланганлар ҳақида маълумот келтирилмаган.
