Qoraqalpog`istonning Taxtako`pir tumanida YTHga uchragan «Cobalt» haydovchisi voqea joyida halok bo`ldi. Bu haqda Yo`l harakati xavfsizligi bosh boshqarmasi axborot xizmati xabar berdi.
Ma`lum qilinishicha, avtohalokat 2021 yil 3 aprel kuni Taxtako`pir tumani 4R-176 Nukus–Chimboy yo`lining 108–109-kilometrida sodir bo`lgan. Nukus shahridan Taxtako`pir tumaniga qarab kelayotgan «Cobalt» yo`lning o`ng tarafidagi beton to`siqqa urilgani aniqlangan.
Oqibatda avtomobil haydovchisi voqea joyida halok bo`lgan. Hozirda surishtiruv harakatlari davom ettirilmoqda.
