Shirin shaharidagi Mirzo Ulug`bek mahalla fuqarolar yig`inida yashovchi Adham Aliev va Zilola Ravshanovalar xonadonida uch nafar egizak farzand dunyoga keldi. Bu haqda Sirdaryo viloyat sog`liqni saqlash boshqarmasi xabar berdi.
— Bu ular uchun unchalik ham oson bo`lmadi. Joriy yilning 21 fevral sanasida homiladorlikni 27-haftasida muddatdan oldingi tug`ruq xavfi tashxisi bilan viloyat perinatal markazining homiladorlar patologiyasi bo`limiga yotqizilib, chaqaloqlar tug`ilgunga qadar nazoratda ushlab turildi. Onaga oliy toifali akusher-genekolog Rukiya Akmurzaeva tomonidan malakali tibbiy xizmat ko`rsatilib, davolash muolajalari o`tkazildi. Olib borilgan davolash muolajalariga qaramay muddatidan oldingi tug`ruq sodir bo`ldi. Uch egizakning tug`ilishida markazning malakali mutaxassislaridan bo`lgan birinchi toifali akusher-genekolog Shaxlo Xojaeva, oliy toifali neonatolog Sayyora Abdullaevalarning xizmatlari katta bo`ldi, — deydi Sirdaryo viloyat perinatal markazi direktori Xanifa Zokirova.
Chaqaloqlarga Muhammad, Abdulloh, Sulaymon deb ism qo`yishdi. Muhammad 1.600 kilogramm, Abdulloh 1.854 kilogramm, Sulaymon 1.570 kilogramm vazn bilan tug`ildi.
Ularga oliy toifali neonatologlar Sayyora Abdullaeva, Feruza Axmedova hamda Nazokat Davlatovalar tomonidan davo muolajalari o`tkazildi. Ularning sog`ligi, o`sishi va rivojlanishi bilan bog`liq muammolar to`la to`kis bartaraf etilgach, Zilola Ravshanovaga uyiga chaqaloqlar bilan qaytish uchun ruxsat berildi.
Bunday quvonchli xabar o`tgan yilning avgust oyida ham Sirdaryoda kuzatilgandi. O`shanda ham, Shirin shahrida yashovchi Mamadalievalar olasida barvarakayiga uch nafar qizaloq tug`ilgan edi. Ularga ham mazkur markazning tajribali mutaxassislari tomonidan malakali tibbiy xizmat ko`rsatilgandi.
22.08.2023, 12:38
Qozog`istonning Turkiston viloyatidan o`tgan Sirdaryo daryosida 11 kishi suzish uchun belgilanmagan joyda cho`milish chog`ida cho`kib ketdi, deb xabar berdi "Kazinform" Favqulodda vaziyatlar vazirligi matbuot xizmatiga...
07.09.2022, 12:25
Sirdaryo viloyatining Mirzaobod tumanida sodir bo`lgan YTHda to`rt kishi halok bo`ldi. Bu haqda viloyat IIB axborot xizmati xabar berdi.Ma`lum qilinishicha, joriy yil 3 sentyabr kuni...
23.08.2022, 09:26
Sirdaryoda qotillik jinoyati sodir etildi. Bu haqda “darakchi.uz”ga Bosh prokuratura matbuot xizmati rahbari Hayot Shamsutdinov xabar qildi. Ma`lum qilinigicha, 20 avgust kuni soat 04.00larda noma`lum shaxs...
10.06.2022, 11:48
Davlat statistika qo`mitasi ma`lumotlariga ko`ra, 2022 yilning 1 iyun holatiga ko`ra, O`zbekistonda 70,5 ming tug`ilish qayd etilgan. Shundan 1 733 nafari egiz tug`ilganlardir.May oyida hududlar...
