2021 yil 10 aprel kuni taxminan soat 16.40 da Mirobod tumani Mehrjon ko`chasida (Dilkash kafesi qarshisida) ikkita transport vositalari: 65 yoshli Ozarbayjon Respublikasi fuqarosi Xalik K. ishonchnoma asosida boshqargan «Lacetti» (davlat raqami 01 310 AEA) va 28 yoshli Shoxruh M. ishonchnoma asosida boshqargan «Malibu» (davlat raqami 01 S 710 UA) avtomobillari to`qnashuvi ro`y bergan. Bu haqda Toshkent shahar IIBB xabar berdi.
Dastlabki ma`lumotlarga ko`ra, to`qnashuvga “Lacetti” haydovchisining belgilanmagan joydan burilib olmoqchi bo`lgani sabab bo`lgan.
YTH oqibatida “Lacetti” yo`lovchisi 63 yoshli Nuroniya V. hamda ikkala avtomobil haydovchilari turli darajadagi badan shikastlari bilan shifoxonaga etkazildilar. Tibbiyot xodimlarining sa`y-harakatlariga qaramasdan, “Lacetti” haydovchisi hayotdan ko`z yumdi. Marhumning yaqinlariga chuqur ta`ziya izhor etamiz.
Mazkur fakt asosida O`zbekiston Respublikasi Jinoyat kodeksining 266 moddasi 2 qismi bo`yicha jinoiy ish qo`zg`atildi. Tergov olib borilmoqda.
