O`zbekiston yoshlar ittifoqida 19 aprel kuni yangi rahbarlar saylandi. Bu haqda O`zA xabar berdi.
Ma`lum qilinishicha, Zayniddinov Shavkat Zayniddinovich Yoshlar ittifoqi markaziy kengashi raisining birinchi o`rinbosari lavozimiga saylangan. Shavkat Zayniddinov 1983 yil 21 avgustda Toshkent viloyatida tug`ilgan. U bugungi kunga qadar Yoshlar ishlari agentligi Sirdaryo viloyat boshqarmasi boshlig`i lavozimida ishlab kelgan.
Shuningdek, markaziy kengash raisining o`rinbosari lavozimiga Olimov Sherzod Murodullaevich saylangan. Sherzod Olimov 1988 yil 20 iyunda Surxondaryo viloyatida tug`ilgan. U bugungacha Yoshlar ishlari agentligi Surxondaryo viloyat boshqarmasi boshlig`i vazifasida faoliyat yuritgan.
