Prezident qaroriga muvofiq Ichki ishlar vazirligi akademiyasining Nukus filiali tashkil etiladi. Bu haqda Adliya vazirligi axborot xizmati xabar berdi.
Ma`lum qilinishicha, Ichki ishlar vazirlgi akademiyasining Nukus filiali o`quv jarayoni bakalavriat bo`yicha kunduzgi ta`lim shaklida 2022/2023 o`quv yilidan boshlanadi.
Filialda ta`lim olgan bitiruvchilarga Akademiya bitiruvchilari bilan bir xil diplom beriladi. Filialda o`qish uchun nomzodlar dastlabki bosqichda Qoraqalpog`iston Respublikasi va Xorazm viloyatida, keyinchalik respublikaning boshqa hududlarida doimiy yashovchi shaxslar orasidan tanlab olinadi.
Shuningdek, filialga o`qishga qabul qilish kvotasi Akademiyaga umumiy qabul kvotasi doirasida Qoraqalpog`iston Respublikasi va Xorazm viloyati ichki ishlar organlarining ehtiyojini inobatga olgan holda belgilanadi.
