Bundan bir necha oy avval Qashqadaryo viloyati Yakkabog` tumanida mudhish qotillik sodir bo`lgan edi.
2020 yilning 9 dekabr kuni soat 23:30larda 1990 yilda tug`ilgan A.X. onasiniga ketib yashayotgan xotinining boshqa shaxsdan homiladorlikda gumon qilib, Qamashi tumanidagi yashash uyidan 2 dona oshxona pichog`ini olib, Yakkabog` tumani, Eski Yakkabog` mahallasida joylashgan qaynonasi N.Sh.ning yashash uyiga kelib, devordan oshib kiradi. Uy ichida uxlab yotgan N.Sh., M.M., voyaga etmagan R.Sh. (12.01.2012 y.t., maktab o`quvchisi) va A.Sh.larni (21.09.2014 y.t.) bo`yin sohalarini oshxona pichog`i bilan kesib, qasddan o`ldirib, hodisa joyidan yashiringan.
2020 yil 10 dekabr kuni tuman prokuraturasi tomonidan A.X.ga nisbatan JKning 97-moddasi 2-qismi “a, b, v, j” bandlari bilan jinoyat ishi qo`zg`atilgan edi.
Mazkur qotillik jinoyatini sodir etgan, 4 insonning hayotiga nuqta qo`ygan shaxsga sud hukmi o`qildi. Bu haqda "Zamon" informasion dasturida xabar qilindi.
Qashqadaryo viloyati sudi binosida bo`lib o`tgan yakuniiy sud ishi xulosasiga ko`ra, jinoyatchi A.X. umrbod qamoq jazosiga hukm qilindi.
