«Chegara bilmas muxbirlar» nodavlat tashkiloti e`lon qilgan matbuot erkinligi reytingida O`zbekiston 157-o`rinda qayd etildi. Axborot va ommaviy kommunikasiyalar agentligi reyting bo`yicha rasmiy munosabat berdi:
Tashkilot tomonidan yurtimizda axborot sohasini rivojlantirish bo`yicha amalga oshirilayotgan ishlar to`laqonli o`z aksini topmagani va munosib baholanmagan.
Mamlakatimizda so`z va matbuot erkinligi, ochiqlik — davlat siyosatining ustuvor yo`nalishi etib belgilangan. Jurnalist va blogerlar huquqlari qonun doirasida himoya qilinayotgani, axborot xizmatlari va davlat tuzilmalarining matbuotdagi tanqidlarga konstruktiv javob qaytarayotgani natijasida aholining xabardorlik darajasi oshib bormoqda.
Murakkab pandemiya sharoitida O`zbekistonda OAV, ijtimoiy tarmoqlar hamda messenjerlar imkoniyatlaridan samarali foydalanib, media makonda tarqalgan va muhokamalarga sabab bo`lgan har bir ma`lumotga o`z vaqtida rasmiy munosabat, izoh, tushuntirishlar berib borildi. Agentlikda barcha davlat organlari va idoralari bilan birgalikda brifing hamda matbuot anjumanlarini tizimli o`tkazish yo`lga qo`yildi. Aholi o`zini qiziqtirgan savollarga mutasaddilar hamda mutaxassislardan bevosita javob olishni boshladi. Xuddi shunday amaliyot hududlarda ham joriy etildi, maxsus media-rejalar asosida jurnalistlar uchun tadbirlar muntazam o`tkazib borilyapti.
Bundan tashqari, amaldagi qonun hujjatlariga tegishli o`zgartirish va qo`shimchalar kiritilib, jinoiy javobgarlik liberallashtirildi. Xususan, tuhmat va haqorat uchun ozodlikdan mahrum qilish jazosi bekor qilindi.
Bugun O`zbekistonning yangi ochiqlik va oshkoralik siyosatida axborot sohasidagi bahsli masalalar, tomonlar o`rtasida paydo bo`ladigan har qanday nizoli vaziyatlar mavjud qonunlar, shuningdek, sud tizimi doirasida hal qilinishi yo`lga qo`yildi. Bu borada Agentlik axborot sohasidagi vakolatli organ sifatida ishonchli va xolis axborot tarqatayotgan jurnalistlar, blogerlar, OAV xodimlarining qonuniy manfaatlari himoya qilinishiga har tomonlama ko`maklashishga tayyor.
"Umid qilamizki, «Chegara bilmas muxbirlar» tashkilotining keyingi reytinglarida O`zbekistonda axborot erkinligi sohasidagi barcha islohotlar o`z aksini topadi va munosib bahosini oladi",–deya yakunlangan AOKA munosabati.
16.08.2021, 16:46
Bugun AOKAda O`zbekiston kikboksing assosiasiyasining navbatdagi konferensiyasi o`tkazildi. Unda assosiasiya rahbarlari, Ijroi qo`mitasi a`zolari, sportchilar hamda OAV xodimlari ishtirok etgan.Konferensiyada kikboksing sport turi shu yilning...08.06.2021, 18:08
Kuni kecha Andijonda jurnalistlar kaltaklangani haqida xabar bergan edik. Axborot va ommaviy kommunikasiyalar agentligi Andijonda jurnalistlarning kaltaklanishi yuzasidan rasmiy bayonot bilan chiqdi. Bayonotda aytilishicha, bugun Axborot...05.05.2021, 17:54
Oliy sud mutasaddilari ishtirokida AOKAda o`tkazilgan matbuot anjumanida 2021 yil 1-choragida sudyalarga nisbatan qo`zg`atilgan intizomiy ish bo`yicha ma`lumot berdi:️«Bugungi kunda tizimda 401 ta sud faoliyat...28.04.2021, 18:20
Taftish.uz veb-sayti muxbirlari N. A. hamda H. S. faoliyatlari davomida davlat bayrog`i foniga “O`zbekiston Respublikasi Prezidenti Administrasiyasi huzuridagi Axborot va ommaviy kommunikasiyalar agentligi Taftish.uz axborot...