Toshkent mexanika zavodi hududida chiqindilar yonib ketdi. Yong`in-qutqaruv guruhlari zudlik bilan yong`inni bartaraf etdilar. Bu haqda Favqulotda vaziyatlar vazirligi xabar berdi.
Xabarda aytilishicha, holat bugun, 26 aprel kuni sodir bo`lgan. Favqulodda vaziyatlar vazirligining navbatchilik qismiga soat 16:32da Toshkent mexanika zavodi hududida sanoat chiqindilari yonayotganligi to`g`risida xabar kelib tushgan.
Hodisa joyiga zudlik bilan Toshkent shahar Favqulodda vaziyatlar boshqarmasining 2 ta yong`in-qutqaruv guruhi etib kelgan. Oqibatda 60 kvadrat metrga zarar etgan. Qutqaruvchilarning tezkor harakatlari tufayli yong`in bir necha daqiqalarda bartaraf etilgan.
FVV xabariga ko`ra, hodisada jabrlangan va qurbonlar yo`q.
