Тошкент механика заводи ҳудудида чиқиндилар ёниб кетди. Ёнғин-қутқарув гуруҳлари зудлик билан ёнғинни бартараф этдилар. Бу ҳақда Фавқулотда вазиятлар вазирлиги хабар берди.
Хабарда айтилишича, ҳолат бугун, 26 апрел куни содир бўлган. Фавқулодда вазиятлар вазирлигининг навбатчилик қисмига соат 16:32да Тошкент механика заводи ҳудудида саноат чиқиндилари ёнаётганлиги тўғрисида хабар келиб тушган.
Ҳодиса жойига зудлик билан Тошкент шаҳар Фавқулодда вазиятлар бошқармасининг 2 та ёнғин-қутқарув гуруҳи етиб келган. Оқибатда 60 квадрат метрга зарар етган. Қутқарувчиларнинг тезкор ҳаракатлари туфайли ёнғин бир неча дақиқаларда бартараф этилган.
ФВВ хабарига кўра, ҳодисада жабрланган ва қурбонлар йўқ.
