Bugun, 26 aprel kuni soat 07:00larda Toshkent shahar, Sergeli tumani, TXAY ko`chasida, haydovchi, 1970 yilda tug`ilgan A.S. boshqaruvidagi "Isuzu" rusumli yuk avtomobili hamda haydovchi, 1980 yilda tug`ilgan A.S. boshqaruvidagi "Damas" rusumli avtomobil ishtirokida to`qnashuv sodir bo`lgan. Bu haqda Ichki ishlar vazirligi Yo`l harakati xavfsizligi Bosh boshqarmasi xabar berdi.
️YTH oqibatida haydovchilar va bir nafar yo`lovchi tan jarohati bilan shifoxonaga olib ketilgan.
️Mazkur YTH yuzasidan Toshkent shahar IIBB TB tomonidan dastlabki surishtiruv harakatlari olib borilib, to`qnashuv sabablariga aniqlik kiritilmoqda.
"️Barcha haydovchilardan belgilangan qoidalarga rioya qilishlarini so`raymiz",–deyiladi YHXBB xabari.
