Samarqandda Kattaqo`rg`on bog`ida joylashgan Alisher Navoiy haykali oldida nojo`ya harakat sodir etgani aks etgan video tarqaldi.
Videoda yigit «Alisher bobo, sizni hamma ahmoq qiladi-da, ahmoq qilmanglar, aqlli, yaxshi odam bo`lgan bu odam», deya Alisher Navoiy haykaliga tupurganini ko`rish mumkin.
Samarqand viloyati IIB Axborot xizmati ma`lumot berishicha, Kattaqo`rg`on shahridagi «A.Navoiy» nomidagi istirohat bog`ida mayda bezorilik sodir qilgan mazkur shaxslarga nisbatan O`zbekiston Respublikasi MJtKning 183-moddasiga asosan ma`muriy bayonnomalar rasmiylashtirilib, to`plangan hujjatlar jinoyat ishlari bo`yicha Kattaqo`rg`on shahar sudiga yuborilgan.