"O`zbekiston Respublikasi Gender tenglikni ta`minlash masalalari bo`yicha komissiyasi" tashkil etiladi. Bu haqda O`zbekiston Respublikasi Oliy Majlisi Senatining o`n beshinchi yalpi majlisida aytildi.
Ma`lum qilinishicha, mamlakatimizda so`nggi yillarda gender tenglik bo`yicha 25 ta qonun hujjati qabul qilindi.
Ilk marotaba xotin-qizlar soni milliy parlamentda BMT tomonidan belgilangan tavsiyalarga mos darajaga etdi.
Xususan, 2020 yilda O`zbekiston gender tenglik bo`yicha ahamiyatga molik islohotlarni amalga oshirgan 27 ta davlat qatoriga kiritildi va 5 pog`onaga yuqoriga ko`tarildi
Xotin-qizlar siyosiy partiyalardagi ulushi 44 foizga, oliy ta`lim sohasida 40 foizga, tadbirkorlikda 35 foizga etdi . Shuningdek ular axborot-kommunikasiya, innovasiya, energetika, muxandislik sohalariga ham jalb etilmoqda.
Boshqaruv lavozimidagi qamrov esa, 27 foizga etdi. 81 ta vazirlik va idorada ilg`or va bilimli ayollardan iborat 15 ming nafardan ortiq kadrlar zaxirasi shakllantirildi
E`tiborli jihati shundaki, maqullangan mazkur strategiyadagi yo`nalishlar BMTning 2030 yilgacha mo`ljallangan Barqaror rivojlanish maqsadlariga muvofiq belgilangan.
