Roppa-rosa bir oy oldin yosh jurnalistlar va Jurnalistika va ommaviy kommunikasiyalar universiteti talabalari uchun «Yangi O`zbekiston- Yangi nigoh» media haftaligi tashkil qilinib, haftalik davomida 100 nafar faol va iqtidorli ishtirokchi saralab olingan edi. Bugun ushbu ishtirokchilar Yoshlar ijod saroyiga to`plandilar va kelgusi rejalar hamda oldinda ularni kutayotgan qulay imkoniyatlar haqida batafsil ma`lumot berildi.
Uchrashuvda O`zEOVMA bosh direktori Jaloliddin Safoev, ijodiy tashkiliy masalalar bo`yicha direktor o`rinbosari Rajab Rajabov Loyihaning asosiy maqsadi va rejalari haqida so`z yuritishdi. Ma`lum qilinishicha, Loyiha qatnashchilari uchun 9-20 iyun kunlari Yoshlar ijod saroyida o`quv-seminarlari tashkil etiladi.
Seminarda qatnashchilarga xalqaro media ekspertlar, yurtimizning taniqli jurnalist va boshlovchilari, multimedia vositalarini mutaxassislari tomonidan mahorat darslari tashkil etiladi. Bundan tashqari 20-30 iyun kunlari qatnashchilar uchun mediaoromgoh tashkil qilinib, keng qamrovli darslar davom ettiriladi.
Seminarlar davomida ishtirokchilar o`qish bilan birga o`zlari tayyorlagan mediamahsulotlarini qator nodavlat-notijorat telekanallarida namoyish etish imkoniyatiga ega bo`lishadi. Bunga qo`shimcha ravishda qatnashchilar o`quv seminarlari davomida Yoshlar ijod saroyida tashkil etilgan Yoshlar studiyasida malaka oshirish va ishlashlari mumkin.
Eng yaxshi va iqtidorli qatnashchilarni bundanda yaxshi imkoniyatlar kutnoqda. Jarayonlarni biz bilan birga kuzatib boring.
