Toshkent – Xojikent – Toshkent yo`nalishida harakatlanadigan shaharlararo yo`lovchi poezdlarining 2ta reysi bekor qilinadi, deya xabar bermoqda “O`zbekiston temir yo`llari” AJ Axborot xizmati.
Keltirilishicha, "Toshkent mintaqaviy temir yo`l uzeli” UKga qarashli Qadirya-Oqqovoq bekatlari oralig`ining 18-kilometrdan 19-kilometirigacha bo`lgan hududda kapital ta`mirlash ishlari amalga oshiriladi.
Shu sababli bugun, 10 iyun kuni:
07:10 dagi – Toshkent – Xojikent;
10:10 dagi – Xojikent – Toshkent yo`nalishlarida harakatini amalga oshiradigan shaharlararo yo`lovchi poezdlari qatnovi bekor qilinadi.
Shu kunlari soat 14:06, 16:42,17:31 hamda soat 19:13da harakatlanadigan Toshkent – Xojikent – Toshkent yo`nalishidagi shaharlararo yo`lovchi poezdlari harakat jadvali bo`yicha qatnovlarini amalga oshiradi.
“O`zbekiston temir yo`llari” AJ rahbariyati bunday noqulaylik uchun yo`lovchilardan uzr so`ramoqda.
