Bu haqda 2021 yil 11 iyun kuni O`zbekiston Elektron ommaviy axborot vositalari milliy assosiasiyasi tomonidan "Er resurslaridan oqilona foydalanish, uni muhofaza qilish va sohada qonuniylikni mustahkamlash - dolzarba vazifa" mavzusida Ochiq muloqotda ma`lum qilindi.
O`zbekiston Respublikasi Prezidentining “Er munosabatlarida tenglik va shaffoflikni ta`minlash, erga bo`lgan huquqlarni ishonchli himoya qilish va ularni bozor aktiviga aylantirish chora-tadbirlari to`g`risida”gi Farmoniga ko`ra, qishloq xo`jaligi erlarini ajratishda yangi tartib joriy etildi.
Xususan:
– erni barcha fuqaro va tashkilotlarga ochiq tanlov asosida berish (amalda MChJ, dehqon xo`jaliklariga tanlovsiz beriladi);
– tanlovsiz er berish faqat Hukumat qarori asosida quyidagi hollarda amalga oshiriladi;
–eng yaxshi taklifni tanlash (“swiss challenge”) orqali aniqlangan yirik investisiya loyihasi tashabbuskoriga – loyiha qiymati kamida 10 mln. AQSh dollar bo`lganda va oldindan kamida 10 foizini depozitga qo`yganda (bunda chet elliklarga ijara muddati 25 yildan oshmasligi lozimligi belgilanmoqda);
– bog`dorchilik, polizchilik va uzumchilik shirkatlari tuzish, yordamchi qishloq xo`jaligi yuritish uchun er berish tartibini bekor qilish;
– yangi ajratiladigan qishloq xo`jaligi er maydoni o`lchami va ijara muddatini bugungi kun talablari asosida belgilash ko`zda tutilgan.
Shuningdek, er ajratish va undan foydalanishda nazorat kuchaytirilmoqda.
– tuman hokimlarining er ajratish bo`yicha vakolatini to`liq bekor qilindi (erni biriktirish, farmoyish chiqarish, erni ko`chirish);
– qishloq xo`jaligi eri ijarasi bo`yicha ochiq tanlov yakunini viloyat hokimi qarori bilan tasdiqlanadi, ijara shartnomasini (tuman hokimligi va g`olib o`rtasida) elektron shaklda tuziladi;
– hokim qarorlarini “e-qaror” axborot tizimida shakllantiriladi;
– erning joylashuv xaritasini “Innola” va “ArsGIS” dasturlarida shakllantiriladi,
– erga bo`lgan huquqni avtomatik tarzda kadastr ro`yxatidan o`tkaziladi;
– viloyat hokimining er bo`yicha qarorlarini adliya boshqarmasida huquqiy ekspertizadan o`tkazadi;
– hokimning ayni bir qarori bilan yoki bir vaqtning o`zida er uchastkasini olib qo`yish va boshqa shaxsga ajratishni taqiqlanadi;
– erga oid huquqbuzarliklarni aniqlash, hujjatlarni to`plash va ko`rib chiqish jarayonini “E-YERNAZORAT” axborot tizimi orqali yuritiladi;
– kadastr, prokuratura, adliya organlari va hokimliklar tomonidan er ajratish ustidan davlat nazorati amalga oshiriladi;
– er sohasidagi huquqbuzarlik haqida xabar bergan shaxslarni moddiy rag`batlantiriladi.
