Prezident aholi bandligi va farovonligini oshirish bo`yicha qo`shimcha vazifalarni belgilagan edi. Unga ko`ra, joriy yilning 12 iyun kuni O`zbekiston Respublikasi Bosh vaziri o`rinbosari Sh.G`aniev boshchiligidagi Ishchi guruhi Samarqand viloyati hududlarida bo`lib, g`alladan bo`shagan maydonlarga takroriy ekin ekish bilan bog`liq masalalar yuzasidan fermerlar, mutaxassislar, aholi bilan uchrashdi. Bu haqda Qishloq xo`jaligi vazirligi Axborot xizmati xabar berdi.
Ayni paytda viloyatda g`alladan bo`shayotgan erlarni ishsiz, ehtiyojmand va mehnatkash aholiga ajratish ishlari davom etmoqda.
– Ishsiz aholiga qishloq xo`jaligi erlarining 10 yil muddatga dehqonchilik bilan shug`ullanish uchun ijaraga berilishi natijasida aholi bandligi ta`minlanishiga erishilmoqda. Bunda mutasaddilar ekishdan boshlab, mahsulot etishtirilgunga qadar to`liq amaliy yordam berishadi. Prezidentimiz topshirig`i bilan paxta hosilidan keyin ham yana 100 ming gektar er ishsiz aholiga dehqon xo`jaligi tashkil etish uchun ajratiladi, deydi Sh.G`aniev.
