Ijtimoiy tarmoqda “Xizmat vazifasini bajarish paytida nos chekish mumkinmi?” sarlavhasi ostida video lavha tarqaldi.
Holat yuzasidan Navoiy viloyati IIB YHXB ma`lumot taqdim etdi.
Keltirilishicha, 2021 yilning 10 iyun kuni soat taxminan 17:00lar atrofida Karmana tumanidagi Navoiy IES AJ chorrahasida Navoiy viloyati IIB YHXB YPX inspektori safdor Z.Ahmedov yoniga noma`lum fuqaro (o`zini Jahongir deb tanishtirgan) kelib, nima sababdan xizmat paytida nos chekib turganligini so`ragan. Xodim mazkur fuqaroni to`xtatmagan va unga murojaat qilmagan. Fuqaro xodim bilan bo`lgan holatni video tasvirga olib, ijtimoiy tarmoqlarga tarqatgan.
Xodim bilan suhbat o`tkazilib, O`zbekiston Respublikasi IIVning “Odob axloq qoidalari” tegishli bandlari talablari tushuntirildi, deyiladi rasmiy izohda.
