«Tashqarida turgan barcha kirsin. Murojaati eshitilmagan, masalasi ko`rilmagan kishi qolmasin», - Namangan viloyati hokimi Shavkatjon Abdurazzoqov tadbirkorlar uchrashuvidan so`ng fuqarolarni qabulini boshladi. Bu haqda Namangan viloyat hokimligi xabar bermoqda.
Uychilik Zuhraxon Xasanova o`z murojaatida farzandi Sanjarbek Yakubovni Qozog`iston Respublikasidan to`rt oydan beri yurtga qayta olmayotgani, hujjatlarida muammo borligini ta`kidladi.
Namangan shahrilik Maryamxon Orifjanova uy-joyga muhtojligini, to`rt sotixlik xonadonda besh xo`jalik yashayotganligi aytib, ko`mak so`radi.
Viloyat rahbari shahar hokimligi mutasaddilariga murojaatchini uy-joyga ro`yxatga olishni, boshlang`ich to`lovini homiylik mablag`lari hisobida to`lab berilishini ta`kidladi.
"Qabul davom etmoqda" deyiladi xabarda.
