Jizzax viloyati Sharof Rashidov tumanida 13 iyun kuni mast erkak pochchasini pichoqladi. Bu haqda viloyat Ichki ishlar boshqarmasi axborot xizmati xabar berdi.
Ma`lum bo`lishicha, voqea Sharof Rashidov tumani Yakkaqayrag`och mahallasida soat 12:00 atrofida sodir bo`lgan. Aniqlanishicha, ushbu mahallada yashovchi erkak mast holda pochchasini o`ldirishga uringan.
Shuningdek, mast erkak o`zi bilan olib kelgan oshxona pichog`i bilan uning qorin sohasiga bir marta sanchib olgani aytilgan. Ta`kidlanishicha, jabrlanuvchi hodisa oqibatida chap biqin va chap qo`l bilak sohasi kesilgan jarohati bilan jonlantirish bo`limiga yotqizilgan.
