Joni va Jenni laqabli ikkita sakkiz oylik oq sherchalar bizning yangi jonivorlarimizga aylanishdi. Ular boshqaruvchi kompaniyamiz «Wildlife care» tomonidan JAR (Afrika) dan olib kelindi.
⠀ Ma`lumot uchun, oq sher – bu sherlarning alohida turkumi emas, balki «leykizm» nomi ostida ma`lum bo`lgan mutasiya natijasidir. Juda kam uchraydi, ularni faqat Janubi-Sharqiy Afrikada yashovchi afrika sherlarining «Panthera leo krugeri» nomli transvaal ost turkumi orasida uchratish mumkin. Ular albinos emaslar. Ularning chiroyli ko`zlari va terisi normal tusda.Rangi ko`zga tashlanadigan bo`lgani uchun yovvoyi tabiat qo`ynida yashash ular uchun juda murakkab masala va bu ov qilishda halaqit beradi. Ular boshqa yirtqichlar va brakonerlarning o`ljasiga osongina aylanishadi. Butun dunyo bo`yicha ularning soni atigi 300 taga etadi, shuning ham katta qismi hayvonot bog`larida.Bizning oq sherchalarimiz esa volerimizga chiqarib yuborildi. Momiqvoylarimiz soni ko`payganidan biz juda mamnunmiz. Bunday noyob jonivorlarni asrab qolish va ularga g`amxo`rlik qilish esa biz uchun katta sharaf. Keling va bizning yangi jonivorlarimiz bilan birinchilardan bo`lib tanishing.
