Bir yil muqaddam karantin talablari keskin kuchaytirilgan bir pallada Surxondaryo viloyatining Qumqo`rg`on tumani hokimi Raxmatilla Gapparov koronavirus shifokorlarini moddiy rag`batlantirish tashabbusi bilan tilga tushgan edi.
Mamlakatimizda kambag`allik bilan kurashish davlat siyosati darajasiga ko`tarilgan ayni vaqtda Raxmatilla Gapparov hech bir hokim qilmagan yana bir xayrli ishni boshlab berdi. Ya`ni hokimlik Axborot xizmatining "Darakchi"ga ma`lum qilishicha, Qumqo`rg`on tumanida kam ta`minlangan oilalarni qo`llab–quvvatlash maqsadida 519 ta shunday oilalarga 200-300 kg.dan bepul bug`doy tarqatildi.
Joriy yilda tumanda jami 8 183 gektar maydonga g`alla ekilgan bo`lib, xirmonlar to`ldirilgan. Xirmonlarni bug`doy bilan to`ldirgan fermer xo`jalik rahbarlari hokimning bu ezgu tashabbusiga bosh qo`shib, homiylik qilishgan.
Sardorbek Rahmonqulov
