Bugun, 28 iyun kuni Adliya tashabbusi bilan ilk bora o`tkazilgan “Jamiyatda ayollar: huquq, himoya va imkoniyatlar” tanlovi g`oliblarini taqdirlash marosimi bo`lib o`tdi. Unda adliya vaziri o`rinbosari Muzraf Ikramov ishtirok etdi.
Tanlovning maqsadi: xotin-qizlarning huquqiy ongi va huquqiy madaniyatini oshirish, ularning huquq va qonuniy manfaatlarini ilgari surish, bu sohada mavjud muammolarga qarshi kurashda jurnalistlar, blogerlar va jamoatchilik faollarining ta`siridan unumli foydalanish
Tanlovda ommaviy axborot vositalarida faoliyat yurituvchi jurnalistlar, erkin jurnalistlar, blogerlar, jamoatchilik faollari ishtirok etdi. 2021 yilning 20 iyun kuni soat 24:00 ga qadar 40 nafarga yaqin ishtirokchidan televidenie, radio, matbuot hamda internet nashrlar va ijtimoiy tarmoqlar orqali e`lon qilingan jami 230 dan ortiq material kelib tushdi, shu jumladan, televidenie, radio, matbuot hamda internet nashrlar va ijtimoiy tarmoqlar orqali e`lon qilingan materiallardir.
Tanlovga kelib tushgan materiallar Komissiya a`zolari tomonidan adolatli va haqqoniy ravishda bir nechta mezonlar asosida, jumladan materialning to`g`ri va xolisligi, mazmuni va ta`sirchanligi, dolzarbligi, sodda va tushunarli ekanligi hamda ma`lumotlardan unumli foydalanilganlik darajalari asosida baholandi.
“Jamiyatda ayollar: huquq, himoya va imkoniyatlar” tanlovining g`oliblari quyidagi nominasiyalarda taqdirlandi:
• “Ayollarni tazyiq va zo`ravonlikdan himoya qilishga qaratilgan, huquq va kafolatlari yoritilgan eng yaxshi jurnalistik material uchun” nominasiyasida:
1-o`rin — Muhabbat Mamirova;
2-o`rin — Zarnigor Abduvohidova;
3-o`rin — Norgul Abduraimova.
• “Ayollarni tazyiq va zo`ravonlikdan himoya qilishga qaratilgan, huquq va kafolatlari yoritilgan eng yaxshi blogpost uchun”;
1-o`rin — Nargis Qosimova;
2-o`rin — Nurbek Alimov;
3-o`rin — Barno Sultonova.
• “Adliya e`tirofi” nominasiyasida tadbirkor, o`z fuqarolik pozisiyasiga ega jamiyat faoli Zafar Hoshimov g`olib deb topildi.
G`olib va sovrindorlarga diplom va qimmatbaho sovg`alar topshirildi.
