Kuni kecha ijtimoiy tarmoqlarda “Kaskadyor qizning romantik sayohati — kameraga tushib qolibdiku” sarlavhasi ostida fotolavhalar tarqalgan edi. Unda yo`lovchi qiz harakatlanib borayotgan mashinadan tanasini chiqarib ketayotgani aks etgan.
Shundan so`ng, mazkur mashina aniqlanib, haydovchiga nisabat chora ko`rilgan edi, biroq haydovchi mashinada "tryuk" qilgan qizni tanimasligini ma`lum qilgani aytilgan va qizni aniqlash bo`yicha harakatlar boshlangan edi.
Ayni paytda mazkur "qahramon qiz"ning shaxsi aniqlangani ma`lum qilindi.
Toshkent viloyati IIBB YHXB xodimlari tomonidan qushimcha surishtiruv ishlari olib borilib, tanasini avtomashidan chiqarib harakatlangan fuqaro aniqlandi va unga nisbatan tegishli tartibda ma`muriy bayonnoma rasmiylashtirildi.