Sanitariya-epidemiologik osoyishtalik va jamoat salomatligi xizmati viloyat boshqarmasi ma`lumotiga ko`ra, eksperement tarzda Zangiota tumanidagi bozorlar, aholi gavjum joylarda sanitariya-gigieniya qoidalariga amal qilgan holda COVID-19 ga qarshi vaksinalar bmlan emlash ishlari olib boriladi.
Bu tadbir barcha tuman-shaharlarda tegishli tartibda davom ettiriladi.
Aytish lozimki, viloyatda kasallanganlar soni 20 ming 229 nafarga etgan bo`lib, hozirda muolaja ishlari olib borilyapti. Kasalxonalarda davolanayotganlar soni 349 tani tashkil qilmoqda.
Jumladan, 29 iyun kuni 61 fuqaroda " COVID-19" infeksiyasi aniqlangan.
Tahlillarga ko`ra, mavsum boshidan buyon Toshkent viloyatida jami 291 ming 607 doza koronavirusga qarshi vaksina bilan aholini emlash tadbirlari o`tkazildi. Shundan: 65 yosh va undan yuqori yoshdagilarga 81 ming 48 doza;
Tibbiyot xodimlari - 73 ming 199 doza;
Umumiy o`rta ta`lim maktablari o`qituvchilari- 44 ming 93 doza;
Maktabgacha ta`lim tashkilotlari xodimlari-21 ming 305 doza;
Surunkali kasalligi bor fuqarolar-41 ming 241 doza;
Qurolli kuchlar va huquqni muhofaza qilish organlari xodimlari – 14 ming 762 doza;
Boshqalar – 15 ming 959 doza
Hudud aholisi 47 ming 149 doza “AstraZeneca”, 233 ming 224 doza “ZF-UZ-VAC2001” va 11 ming 234 doza “SPUTNIK-V” vaksinalari bilan emlandi.