Avval xabar qilganimizdek, Prezident Shavkat Mirziyoev bugun, 30 iyun kuni O`zbekiston yoshlari va talabalari forumiga tashrif buyurdi.
Prezident Matbuot xizmati xabariga ko`ra, Forum o`tayotgan Botanika bog`i bayramona bezatilgan. Yoshlarning ilm-fan, texnologiyalar, adabiyot, san`at kabi sohalarda erishayotgan natijalarini aks ettiruvchi ko`rgazma va namoyishlar tashkil qilingan.
Davlatimiz rahbari ushbu ko`rgazmalar bo`ylab yurib, yoshlarning ixtirolari, mahorati, badiiy chiqishlarini ko`zdan kechirdi. Ular bilan suhbatlashib, o`qish va zlanishlariga muvaffaqiyatlar tiladi.
Prezident bayram tadbiri maydoniga kelib, barcha yigit-qizlarni 30 iyun – Yoshlar kuni bilan tabrikladi.
Yoshlar forumida davlat rahbari tomonidan kelgusida O`zbekiston yoshlari uchun amalga oshirilishi rejalashtirilayotgan qator chora-tadbirlar haqida so`z yuritilgan bo`lib, yaqin daqiqalar ichida bu haqda batafsil xabarlar berib boramiz.
Mavzuga doir:
