Holat yuzasidan xabar qilgan IIV YHXBB Axborot xizmati xabariga ko`ra, joriy yilning 30 iyun kuni Toshkent shahar, Yunusobod tumani, Toshkent halqa yo`li, Turkiston kafesi qarshisida haydovchi "Lasetti" rusumli avtomobilni katta tezlikda boshqarayotib, tartibga solinmagan piyodalar o`tish yo`lagidan o`tayotgan piyodalarni urib yubormaslik uchun rulni chap tomonga burgan.
Keskin burilish oqibatida avtomobil avval piyodalar belgisiga va beton simyog`ochga borib urilgan. Beton simyog`ochning parchalari yo`lning narigi tomonidan harakatlanib kelayotgan "Spark" rusumli avtomobiliga tekkan.
Mazkur YTH yuzasidan Toshkent shahar IIBB YHXB tomonidan surishtiruv harakatlari olib borilmoqda.
