2 iyul kuni O`zbekiston Respublikasi Markaziy saylov komissiyasi rahbari Zayniddin Nizamxodjaev boshchiligida navbatdagi majlis bo`lib o`tdi. Unda O`zbekiston Respublikasi Prezidenti sayloviga tayyorgarlik ko`rish va uni o`tkazish bilan bog`liq normativ-huquqiy hujjatlariga o`zgartish hamda qo`shimchalar kiritishga doir masalalar muhokama qilindi. Bu haqda Markaziy saylov komissiyasining matbuot xizmati xabar bermoqda.
Pandemiya sharoitiga qaramasdan bu yil ham Saylov kodeksining 10-moddasiga binoan, O`zbekiston Respublikasining chet davlatlardagi diplomatik va boshqa vakolatxonalari huzurida saylov uchastkalari tuzilishi mumkin.
Qayd etilishicha, chet davlatlarda istiqomat qilib turgan O`zbekiston fuqarolarini diplomatik vakolatxonalarning konsullik hisobida bo`lishi yoki bo`lmasligidan qat`i nazar, saylovchilar ro`yxatiga kiritish tartibi, xorijiy mamlakatlarda ular yashayotgan yoki ishlayotgan joyida ko`chma qutilar orqali ovoz berishining huquqiy asoslari yanada mustahkamlanadi.
