Namangan viloyatidan M.T oilasidagi moliyaviy qiyinchilik sababli Qozog`istondagi qurilish ob`ektida ishlash maqsadida ketgan. Ish jarayonida baxtsiz hodisa sababli og`ir tan jarohati oladi va shifoxonaga joylashtirildi. Bu haqda Tashqi mehnat migrasiyasi agentligi xabar berdi.
Ma`lum qilinishicha, O`zbekistonning Olmaota shahridagi Bosh konsulxonasi tomonidan fuqaroga ko`rsatiladigan tibbiy xizmat jarayonlari tashkil qilingan.
Shuningdek, fuqaro salomatligi barqarorlashgandan so`ng, Olmaotadan Toshkentga Xorijda mehnat faoliyatini amalga oshiruvchi fuqarolarni qo`llab-quvvatlash hamda ularning huquq va manfaatlarini himoya qilish jamg`armasi mablag`lari hisobidan tibbiy xodim kuzatuvida reanomobilda olib kelingan.
