Ijtimoiy tarmoqlar orqali “Xatirchi tumani 2-maktab direktorini audiosi tarqalmoqda” sarlavhasi ostida murojaat e`lon qilingan. Xatirchi tuman hokimligi matbuot xizmati holat bo`yicha rasmiy munosabat berdi.
“Xatirchi tumani 2-maktab direktorini audiosi tarqalmoqda” mavzusidagi audio yozuvi bo`yicha videorolik Xatirchi tumani XTBga qarashli 2-umumiy o`rta ta`lim maktabi direktori tarafidan “aytilgan” bir qator so`zlar ta`lim tizimida olib borilayotgan islohotlar hamda o`zgarishlarga o`z g`arazli shaxsiy manfaatlarini ustun qo`ygan bir guruh shaxslar ishi ekanligi yaqqol ko`rinib turibdi.
Xudoyberdieva Dilrabo Sharipovna 2018 yil noyabr oyidan buyon 2-umumiy o`rta ta`lim maktab direktori vazifasida ish faoliyatini davom ettirib kelmoqda. Ungacha Xatirchi XTB ga qarashli 85-umumiy o`rta ta`lim maktabida ma`naviy-ma`rifiy ishlar bo`yicha direktor o`rinbosari lavozimida ishlab kelgan. Ushbu audioga aniqlik kiritilganda ushbu audio yozuv o`sha paytdagi maktab direktori bilan ish yuzasidan o`zaro suhbatlari vaqtidan yozib olinganligi, shaxsiy manfaatlar nazarda tutilib, bugungi kunda montaj qilinib, ijtimoiy tarmoqlarga tarqatib yuborilganligi ma`lum bo`ldi.
Ushbu tarqalgan audio yozuvda O`zbekiston Respublikasi Xalq ta`limi vaziri Sh.Shermatovga bog`lanib gapirilgan holatlar bo`lsada, aslida bu audio yozuv taxminan 2017-2018-yillarda tayyorlangan bo`lib, noma`lum shaxslar tomonidan bugungi kunda o`zgartirishlar kiritilgan holda ijtimoiy tarmoqlarga joylashtirilgan. Haqiqatda bu audio yozuvda Xalq ta`limi vazirligi bilan bog`liq asoslarning mavjud emasligi va tizimda faoliyat olib borayotgan boshqa mutasaddilarga, shuningdek yurtimizda ta`lim tizimida olib borilayotgan keng ko`lamli islohotlarga hech qanday aloqasi yo`qligini aytib Xatirchi tumani XTB o`z munosabatini bildiradi.
Qolaversa, audio yozuvlar jamlanmasi yozib olingan davrda Xalq ta`limi vaziri Sh.Shermatovning hozirgi vazir lavozimida faoliyat olib bormaganligini alohida ta`kidlab o`tish kerak. Audio yozuvdagi bildirilgan fikrlarga faqat bir tomonlama yondoshib, hech qanday asosga ega emasligiga e`tibor qaratshingizni so`raymiz.
Bugungi kunda 2-maktab direktori D.Xudoyberdieva etakchi rahbar sifatida maktab jamoasi bilan birdamlikda ish faoliyati davomida ta`lim sifatini ko`tarib, bir qancha yutuqlarga erishib kelayotganligini o`zi yuqoridagi audio yozuvning ijtimoiy ahamiyatga ega emasligini ko`rsatib turibdi.
Xatirchi tumani XTB ushbu audio yozuvga o`zining rasmiy munosabatini bildirish davomida yana bir bor audio yozuv hech qanday dalillarga asoslanmaganligi hamda audio maktab direktori D. Xudoyberdievaning keyingi mehnat faoliyatiga salbiy ta`sir ko`rsatmasligini alohida ta`kidlab o`tadi.