Xalq ta`limi vazirining 2021 yil 1 iyuldagi buyrug`i bilan shu kunga qadar maktablarda yuritilgan 10 dan ortiq o`quv-pedagogik hujjatlar soni 2 baravarga qisqartirildi va elektron shaklda yuritilishi belgilandi. Bu haqda vazirlik matbuot xizmati xabar bermoqda.
️ Endilikda soha xodimlari asosiy vaqtini “qog`ozbozlik” yoki hisobotga emas ta`lim sifatini oshirishga qaratadi.
Eslatib o`tamiz, so`nggi 3 yilda:
- O`qituvchilarning hujjatlari 7 dan 1 taga,
- Sinf rahbarlariniki 10 dan 2 taga,
- Psixologlarniki 27 dan 8 taga,
- Ma`naviy-ma`rifiy ishlar bo`yicha direktor o`rinbosarlariniki 19 dan 4 taga qisqartirilgan.
Navbat o`quv jarayonlariga oid hujjatlarni qisqarishga etdi.
Mazkur buyruq bilan maktab hujjatlarini yuritish bo`yicha yo`riqnoma (5.12.2001 y.178-son buyrug`i) bekor qilinib, yangi yo`riqnoma tasdiqlandi.
