Халқ таълими вазирининг 2021 йил 1 июлдаги буйруғи билан шу кунга қадар мактабларда юритилган 10 дан ортиқ ўқув-педагогик ҳужжатлар сони 2 бараварга қисқартирилди ва электрон шаклда юритилиши белгиланди. Бу ҳақда вазирлик матбуот хизмати хабар бермоқда.
️ Эндиликда соҳа ходимлари асосий вақтини “қоғозбозлик” ёки ҳисоботга эмас таълим сифатини оширишга қаратади.
Эслатиб ўтамиз, сўнгги 3 йилда:
- Ўқитувчиларнинг ҳужжатлари 7 дан 1 тага,
- Синф раҳбарлариники 10 дан 2 тага,
- Психологларники 27 дан 8 тага,
- Маънавий-маърифий ишлар бўйича директор ўринбосарлариники 19 дан 4 тага қисқартирилган.
Навбат ўқув жараёнларига оид ҳужжатларни қисқаришга етди.
Мазкур буйруқ билан мактаб ҳужжатларини юритиш бўйича йўриқнома (5.12.2001 й.178-сон буйруғи) бекор қилиниб, янги йўриқнома тасдиқланди.
