Bu haqda Ichki ishlar vazirligi Yo`l harakati xavfsizligi Bosh boshqarmasi xabar berdi. Ma`lum qilinishicha, 10 iyul kuni soat 13:46larda Toshkent shahar, Yashnobod tumani, Katta Yangiobod - Chilon-ota ko`chalari chorrahasida, 1992 yilda tug`ilgan haydovchi I.T. boshqaruvidagi "Matiz" rusumli hamda 1996 yilda to`g`ilgan X.B. boshqaruvida bo`lgan "Damas" rusumli avtomobillar ishtirokida to`qnashuv sodir bo`lgan.
Natijada ikki haydovchi ham tan jarohati olib shifoxonaga murojaat qilgan. Mazkur YTH yuzasidan hozirda surishtiruv harakatlari olib borilmoqda.
Shu o`rinda YHXBB barcha haydovchilardan belgilangan qoidalarga rioya qilishlarini so`ramoqda.
