Avval xabar qilganimizdek, joriy yilning 15 va 16 iyul kunlari poytaxtimizda “Markaziy va Janubiy Osiyo: mintaqaviy o`zaro bog`liqlik. Tahdid va imkoniyatlar” mavzusidagi Xalqaro konferensiya o`tkaziladi. konferensiyada 400 dan ortiq xorijiy mehmonlar ishtirok etishi kutilmoqda.
Tadbirni o`tkazish jarayonida 15 va 16 iyul kunlari “Toshkent city” majmuasi atrofidagi bir qancha yo`llar transport vositalarining harakatlanishi uchun yopiladi. Bu haqda poytaxt IIBB axborot xizmati xabar berdi.
Unga ko`ra:
- Islom Karimov ko`chasi: Turobto`la ko`chasidan Furqat ko`chasigacha bo`lgan qismi;
- Furqat ko`chasining mahalliy yo`li: Islom Karimov ko`chasidan Navoiy ko`chasigacha;
- Olmazor ko`chasi: Beshyog`och ko`chasidan Navoiy ko`chasigacha bo`lgan qismi
Shuningdek, ushbu ko`chalarga tutash yo`llarda harakatlanish vaqtincha cheklanishi mumkin.
Vujudga kelishi mumkin bo`lgan tirbandliklarning oldini olish maqsadida haydovchilarga boshqa aylanma yo`llardan foydalanish tavsiya etilmoqda.