Ikki kun davomida “Toshkent city” atrofidagi yo`llar avtomobillar uchun yopiladi

Ma`lum qilinishicha, 15 va 16 iyul kunlari “Toshkent city” majmuasi atrofidagi yo`llar transport vositalarining harakatlanishi uchun yopiladi. Bunga sabab qilib, shu kunlari poytaxtda “Markaziy va Janubiy Osiyo: mintaqaviy o`zaro bog`liqlik. Tahdid va imkoniyatlar” mavzusidagi Xalqaro konferensiya o`tkazilayotganligi ko`rsatilmoqda. Aytilishicha, mazkur anjumanda 400 dan ortiq xorijiy mehmonlar ishtirok etishi kutilmoqda.

Shu munosabat bilan quyidagi yo`llarda harakatlanish vaqtincha cheklanishi mumkin:

• ️Islom Karimov ko`chasi: Turobto`la ko`chasidan Furqat ko`chasigacha bo`lgan qismi;

• Furqat ko`chasining mahalliy yo`li: Islom Karimov ko`chasidan Navoiy ko`chasigacha;

• Olmazor ko`chasi: Beshyog`och ko`chasidan Navoiy ko`chasigacha bo`lgan qismi  

• Shuningdek, ushbu ko`chalarga tutash yo`llarda.