Jizzax shahar IIOFMB huquqbuzarliklar profilaktikasi bo`limining 2 nafar profilaktika inspektori fohishaxona saqlash va qo`shmachilik qilish bilan bog`liq jinoyatni fosh etishdi. Bu haqda viloyat IIB axborot xizmati xabar berdi.
Ma`lum qilinishicha, qonun himoyachilari Jizzax shahrining Xalqobod mahallasida yashovchi A.O. o`z turar joyida 120 ming so`m evaziga Sharof Rashidov tumani Yaxtanlik mahalla fuqarolar yig`inida yashovchi yigit hamda shu tumanning Bobur mahalla fuqarolar yig`inida yashovchi ayolning jinsiy yaqinlik qilishlari uchun sharoit yaratib berganligini aniqladilar.
Qonunbuzardan 120 ming so`m hujjatlashtirib olindi. Holat yuzasidan tegishli tartibda jinoyat ishi qo`zg`atilgan.