Kuni kecha Surxondaryo viloyatida davlat raqami belgisiz Kamaz rusumli avtotransport vositasini 103 avto yo`lida boshqarib kelayotgan 12 yoshli bola Yo`l harakati xavfsizligi bosh boshqarmasi tomonidan to`xtatib qolindi.
Ma`lum bo`lishicha, u Surxondaryo tumani Qiziriq tumanidan g`ish to`kib qaytayotgan bo`lgan.
Ushbu holat yuzasidan inspektor tomonidan tushuntirish ishlari olib borilgan.
Ma`muriy bayonnoma rasmiylashtirilib, mashina vaqtinchalik jarima maydonchasiga qo`yilgan.
Shu o`rinda YXXB barcha haydovchilardan belgilangan qoidalarga rioya qilishlarini, ota-onalardan haydovchilik guvohnomasi olmagan farzandlariga avtotransport vositasini boshqarishiga ruxsat bermasliklarini so`ramoqda.