Bosh prokuratura huzuridagi Departamentning Yakkasaroy tuman bo`limi tomonidan tadbirkorlik sub`ektlarining huquqlarini himoya qilish yuzasidan tergovga qadar tekshiruv o`tkazildi.
Unda, “G” MChJ rahbari va boshqalar “B” MChJ rahbarining ishonchiga kirib, unga “Keramogranit plitka” mahsulotini 30 kun ichida etkazib berish evaziga “B” MChJning 1,1 mlrd so`mini 2020 yil 25 dekabrdagi shartnomaga asosan “G.” MChJ hisob raqamiga o`tkazishga erishib, shu kunga qadar mahsulotlarni etkazib bermasdan tadbirkorning pul mablag`larini o`z ehtiyojlari uchun sarflab yuborganliklari aniqlangan.
Mazkur holat yuzasidan Jinoyat kodeksining 168-moddasi (firibgarlik) bandi bilan jinoyat ishi qo`zg`atilib, tergov harakatlari o`tkazilmoqda.
