Avval xabar berilganidek, ayni daqiqalarda Senatning o`n ettinchi yalpi majlisi o`tkazilmoqda.
Yalpi majlisni olib borayotgan parlament yuqori palatasi Raisi Tanzila Narbaeva o`z nutqida bir qator dolzarb masalalar, xususan, aholi orasida huquqbuzarliklarning oldini olishga alohida urg`u berdi.
Yalpi majlisda Senat Raisi Ichki Ishlar vazirining huquqbuzarliklarning oldini olish va ularning profilaktikasi holati to`g`risidagi axborotiga o`z munosabatini bildirdi.
– Huquqbuzarliklar profilaktikasini kuchaytirish borasida ishlar “mahallabay” va namunaviy tajribalar asosida olib borilayotgani o`zining ijobiy natijalarini bermoqda, – dedi Senat Raisi T.Narbaeva. – Buni mahallalarning qariyb yarmida jinoyat sodir etilmagani misolida ham ko`rish mumkin. Bu hali mamlakatimiz tarixida ham bo`lmagan edi. Hozir aholining huquqiy madaniyati va daromadi oshib borayotgani, tizim tashkilotlarining sa`y-harakatlari tufayli ijobiy natijalarga erishilmoqda. Lekin talabimiz hamma mahallalarda ham jinoyat bo`lmasin.
Avvallari jinoyat ko`p bo`lsa, tizim tashkilotlari yaxshi ishlamayotgani tanqid qilinardi. Hozir esa jinoyatlar to`liq fosh qilinib, aybdorlar qonun oldida javob berishi ta`minlanyapti.
Shu sababli berilgan axborotda alohida e`tibor qaratish lozim bo`lgan jihatlar ham bor. Xususan, qariyb 3 mingta mahallada kriminogen vaziyat og`ir, ya`ni “qizil” toifada ekani hammamizni o`ylantirishi kerak. Yoki odam savdosi bilan bog`liq aniqlangan jinoyatlar oldingi yilga nisbatan ikki barobardan ziyodga oshgan. Xususan, 34 ta holatda chaqaloqlar savdosi jinoyati aniqlangani o`ta tashvishlidir. Bu muammolarga faqat Ichki ishlar emas, balki Sog`likni saqlash, Mahalla vazirligi, ko`plab mas`ul tashkilotlar jonbozlik ko`rsatsin.
31.01.2023, 10:22
Jahongir Ortiqxo`jaevni Oliy Majlisi Senati a`zolari ro`yxatidan chiqarish to`g`risida Markaziy saylov komissiyasining qarori e`lon qilindi.Unga ko`ra, Toshkent shahridan saylangan O`zbekiston Respublikasi Oliy Majlisi Senati a`zosi...29.09.2022, 09:18
Oliy Majlis Senati Kengashi majlisida Reproduktiv salomatlikni saqlash, onalik va bolalikni muhofaza qilish bo`yicha amalga oshirilayotgan ishlar holatini o`rganish masalasi muhokama qilindi, deya xabar bermoqda...13.09.2022, 10:47
Bugun,13 sentyabr kuni, Toshkent shahrida Senatning majlislar zalida O`zbekiston Respublikasi Oliy Majlisi Senatining o`ttiz ikkinchi yalpi majlisi o`z ishini boshladi. Bu haqda Senat axborot xizmati...07.09.2022, 12:07
Jizzaxda ayol o`z eri tomonidan o`ldirildi. Bu haqda viloyat IIB matbuot xizmati xabar bermoqda. Ma`lum qilinishicha, joriy yilning 2 sentyabr kuni Jizzax viloyati Zarbdor tumani Yangihayot...