Avvalroq, Angrendagi ko`p qavatli uyning 6-qavatidagi xonadon yonib ketgani haqida xabar bergandik. Angren tumani hokimligining Matbuot xizmati holat yuzasidan qo`shimcha ma`lumot berdi.
Ijtimoiy tarmoqning "Oltin voha" sahifasida joriy yilning 5 avgust kuni 5/1"a" dahasi 12-uyda sodir etilgan yong`in natijasida bir necha bolalar reanimasiyaga tushganligi to`g`risidagi ma`lumotlar asossiz.
Angren shahar Tez tibbiy yordam xizmatining bergan ma`lumotlariga ko`ra, yong`in natijasida jami 12 nafar fuqaroga tibbiy yordam ko`rsatilgan. Ular orasida hech kim sog`lig`i jihatidan jiddiy talofat ko`rmagan.
O`n nafar fuqaroning ahvoli yaxshi bo`lganligi sababli shifoxonaga borishga rozi bo`lmagan. Ular orasida 2012 yilda tug`ilgan bir nafar yosh bola va bir nafar katta yoshdagi fuqaro shifoxonaga yotqizilgan. Ularning salomatliklari tibbiyot xodimlarining nazorati ostida. Ahvollari yaxshi.
