2021 yil 13 avgust kuni soat 05:30 larda, Toshkent shahar, Chilonzor tumani, TXAY ko`chasida joylashgan "Bek to‘pi" savdo markazi ro`parasida haydovchi, 1992 yilda tug`ilgan N.I. boshqaruvidagi "VOLVO" rusumli yuk avtomobili hamda haydovchi, 1988 yilda tug`ilgan A.F. boshqaruvidagi "ZOOMLION" rusumli avtokran ishtirokida to`qnashuv sodir bo`lgan. Bu haqda Ichki ishlar vazirligi Yo`l harakati xavfsizligi Bosh boshqarmasi xabar berdi.
Ma`lum qilinishicha, hodisa oqibatida avtokran haydovchisi A.F.ga birinchi tez tibbiy yordam ko`rsatilgan.
️Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilib, hodisa joyida tirbandliklarni bartaraf qilish choralari ko`rilmoqda.
"️Barcha haydovchilardan qoidalarga rioya qilishlarini so`raymiz",–deyiladi IIV YHXBB xabarida.
