Kinematografiya agentligi hamda Ichki ishlar vazirligi akademiyasi hamkorligida “Media Illusion” studiyasi tomonidan Cho`lpon haqida "Qush esdaligi” hujjatli filmi yaratildi.
Ma`lum bo`lishicha, ushbu filmida bosh qahramonni Shohjahon Subhonov ijro etgan. Yosh aktyor film haqidagi taassurotlarini so`zlab berdi:
– Cho`lponning ijodiy faoliyatini o`rganib o`zim uchun ancha ilm va tajriba oldim. Shoir 24 yoshidayoq Turkistonda ancha taniqli bo`lgan. Qolaversa, jamoatchilik ishlaridagi faolligi va ilg`or tashabbuslari bilan el nazariga tushadi. Yosh rejissyor Husan Rashidovning taklifi bilan kastingda qatnashib, muvaffaqiyatli o`tdim. S`yomka jarayonlari ancha hayajonli bo`ldi. Filmda Cho`lpon siymosini to`laqonli ochib berishga harakat qildim. Bu tarixiy obraz men uchun debyut ijro bo`ldi. Barcha qiyinchiliklar va mashaqqatlar besamar ketmadi, deb o`ylayman. Ijodiy jamoa bilan ishlab, juda katta tajriba to`pladim.
